Mendeurrena - Euskaltzaindia

'Euskara Ibiltaria' erakusketa interaktiboa (bideoa)

Martxoaren 13an estreinatuko da Bilboko Euskal Museoan 'Euskara Ibiltaria' erakusketa interaktiboa. Animazio honetan ikus daiteke bere nolakotasuna.

Larunbat honetan, martxoak 2 dituela, 'Euskara batuaren hastapenak' hitzaldia emango du Jean-Louis Davant euskaltzain emerituak, Mauleko Mediatekan (10:00etan).
"1964ko Baionako Biltzarraz argitasun eta xehetasun batzuk azpimarratuko ditut", aurreratu du Ürrüstoi-Larrabileko maisuak, batez ere "Txillardegiren ekarpena goretsiz".

Mende Berria Kantuz kontzertua aurkeztu dute gaur, Arriaga Antzokian, Bilboko Koralak, Gaudeamus Koralak eta Euskaltzaindiak. Kontzertua martxoaren 10ean eskainiko da aipatu antzokian, Bilbon, Euskaltzaindiaren mendeurrenaren ospakizunen baitan, eta Bilboko Koral Elkarteko Euskeria koruak, Gernikako Gaudeamus Koralak, Lauko Quartet laukoteak eta Maddalen Arzallus bertsolariak parte hartuko dute.
Andres Urrutia (euskaltzainburua): "Dei egiten diogu euskal gizarteari, mendeurrenean antolatu ditugun egitasmo kulturaletan parte har dezan, goza dezan musikarekin eta kantuarekin, Euskaltzaindiaren jarduna ez baita akademikotasunera mugatzen".
Sarrerak Arriaga Antzokiko leihatiletan (fisikoan nahiz birtualean) daude salgai, eta, ohi bezala, deskontuak izango dira (Bilboko Koral Elkarteko bazkideek % 25ekoa). Sarreren prezioa 7 eta 16 euro bitartekoa da, eta 14 urtetik beherakoek 8 euro ordaindu beharko dute.

Pasa den ostiralean, Euskaltzaindiak Osoko bilkura egin zuen Nafarroako Jauregian, mendeurrenaren ospakizunen karietara.

Euskaltzaindiak Osoko bilkura egin du Nafarroako Jauregian, mendeurrenaren ospakizunen karietara.
Uxue Barkos Nafarroako lehendakariak berritu egin du Nafarroako Gobernuak Euskaltzaindiarekin duen “lankidetza konpromisoa”.
Andres Urrutia: “Gaur-gaurkoz maiz esaten da euskararen aldeko ekitaldietan hitzetatik ekintzetara pasatu behar dela, asko hitz egiten da konpromisoari buruz. Horregatik, Euskaltzaindiak berretsi egiten ditu bai sorreran eta bai izan duen ibilbidean izan dituen gidalerroak: euskara indartzea, euskaraz mintzo diren pertsonen eskubideak zaintzea eta defendatzea, eta iritzien aniztasuna bateratzea, hizkuntza indartzeko. Gako horiek giltzarri dira gure lanean”.

Pasa den astean Gasteizen izan zen Ahoskera jardunaldiko bideoak Euskaltzaindiaren Youtubeko atarian daude ikusgai.
Julia Marin, Mª Heliodora Cuenca eta Miren Lourdes Oñederraren hitzaldiez gain, Gorka Lazkanori egindako elkarrizketa eta Pilartxo Etxeberriaren ondorioak entzun daitezke bertan.

"Eta ahoskera zer? Formaz galdera eman lezake. Aldarrikapen hutsa zen, ordea. Hain zuzen, ahoskerari zor zaion arreta eskatzeko modua. Edo, Andres Urrutiaren hitzak baliatuz, “matraka ematen” hasteko deia. Arrazoien artean askotxo aipatu ziren, Lourdes Oñederraren hitzalditik abiatuta. Bat: ahoskera egokiak ziurtasuna ematen diolako hiztunari. Bi: euskara normaltzeko, hizkera-mailak garatu behar direlako, eta ahal dela, gaztelaniaren eta frantsesaren ereduetatik babestuz. Hiru: Ahoskera delako kanpotiko eragin horren sarleku babesgabeena. Lau: hizkuntzaren barrengo erritmo antolaketa ergatiboa edo mugagabea bezainbeste zaindu behar delako, hizkuntza bere osotasunean indartu nahi bada. Bost: ahoskera ikas eta irakats daitekeelako.
(Gasteizko jardunaldia/ Garbiñe Uberaren kronika)

Euskaltzaindiaren II. Nazioarteko Dialektologia Biltzarra martxoaren 14an (egun osoz) eta 15ean (egun erdiz) egingo da, Bilboko Euskal Museoan.
Euskaltzaindiaren mendeurreneko bosgarren jardunaldi akademikoaren leloa Aniztasuna: hizkeren berba-mintzoak izango da.
Programa osoa, HEMEN.
Adolfo Arejita: “Besteak beste, gaur egun nazioartean dauden dialektologia alorreko ikerketa eta egitasmoak ezagutuko ditugu, eta horien nondik norakoen berri izango dugu”.
Koldo Narbaiza (Bilboko Udaleko Euskara eta Hezkuntzako zinegotzi ordezkaria); "Bilboko biztanle guztiak animatu nahi ditut Euskaltzaindiak antolatu dituen ekintzetan parte hartzera; balia ditzagun aukera ezberdinak euskara eta euskal kulturaren aldeko maitasuna eta gertutasuna adierazteko".
Ana de Castro (Bizkaiko Foru Aldundiko Euskarako zuzendaria): "Euskal Museoa leku ezinhobea da egitasmo hau antolatzeko, bertan gordetzen baitira euskal klulturaren sustraiak".
Dialektologia biltzarrari bide emateko, Euskara Ibiltaria erakusketa berritua eta interaktiboa aurkeztuko da martxoaren 13an, Euskal Museoan bertan. Horrez gain, Laboral Kutxak babesten duen Herri Hizkeren Atlasaren X. liburukia aurkeztuko da, martxoaren 15ean.
Biltzarrerako izen-ematea zabalik dago martxoaren 11 bitarte: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / +34 943 42 80 50 / +34 944 158 155 / +33 (0) 559 25 64 26/ +34 948 22 34 71 (plaza mugatuak / aldi bereko itzulpena).

Gaur goizean, erakusketaren estreinaldian izan dira, besteak beste, Mixel Etxebest Mauleko auzapeza, Jean Pele Iriart Euskal Elkargoko kontseilaria, Andres Urrutia euskaltzainburua, Jean-Louis Davant, Xarles Videgain eta Jean-Baptiste Coyos euskaltzainak eta Allande Socarros euskaltzain urgazlea.
Jean-Louis Davantek Baionan 1964an euskara batuaren alde eginiko esfortzuak aipatu ditu Maulen, estandarraren lehen oinarriak finkatuko zituen lantaldearen lana azpimarratuz. Txillardegi ere aipatu du bere mintzalditxoan, haren kemena eta euskararekiko konpromisoa gogoratuz.
Edukia: Baionako Biltzarraren ekarpenari eta garaiari so egiten die 'Baiona 1964: euskara batuaren zedarria' erakusketak.
Euskal Elkargoaren, Euskararen Erakunde Publikoaren, Baionako Herriko Etxearen eta Crédit Agricole-ren babesa jaso du erakusketak.
Erakusketa Mauleko Hondarearen Etxean dago ikusgai (sartzea dohainik). Datak: 2019-02-16 / 2019-03-16