Mendeurrena - Euskaltzaindia

Euskaltzaindiaren historia (kronologia bat): 1937-1959

1937-12-06: Resurreccion Maria Azkue Espainiako Institutuaren sorrera ekitaldian izan zen, Salamancan.
1941-04-14: Data horretan sinatutako gutun batean, Resurreccion Maria Azkuek adierazi zion Policarpo Iraizotzi Euskaltzaindia berriro abian jarriko zela, hilaren amaieran egindako batzar batean, Francoren diktadurapeko Bizkaiko Aldundiaren baimenarekin.

1920-01-7/8: Akademiaren euskarazko izena eta akademiako kideena ebatzi ziren: Euskaltzaindia eta euskaltzain; euskara hitza s letraz idaztearen aldeko hautua egin zen, eta sistema ortografiko osoa erabaki zen. Horrez gain, Ekin eta Yarrai hartu zuen Euskaltzaindiak lelotzat eta haritz gurutzeduna ikurtzat.
1920-04-27: Pierre Broussain hil zen, Resurreccion Maria Azkueren laguntzaile garrantzitsuenetako bat Euskaltzaindia sortzeko lanetan.
1920-12-29: Euskararen batasunaren gaia jorratu zuen monografikoki Euskaltzaindiak, oinarri nagusien artean Arturo Campionen eta Pierre Broussainen Informe a la Academia de la Lengua Vasca sobre unificacion del euskera hartuta.

1897-11-21: Resurreccion Maria Azkuek Euskararen Akademia baterako oinarriak idatzi zituen Euskalduna aldizkarian.
1901-09-16: Euskararen ortografia batzeko kongresua egin zen Hendaian, arrakasta handirik lortu gabe.
1902-09-11: Hendaiakoari segida emanez, euskararen ortografia batzeko kongresua egin zen Hondarribian, arrakasta handirik lortu gabe hori ere.
1917-05-04: Ramon de la Sota Aburto Bizkaiko ahaldun nagusi hautatu berriak euskara ikertzen eta zabaltzen zutenen aldeko hitzak egin zituen bere programa aurkeztean.

Orain arte, 32 emanaldi eskaini ditu Tartean Teatro konpainiak, eta beste 15 dituzte lotuta, urritik aitzina.
Honela, mendeurrenaren baitan Euskaltzaindiak Tartean-ekin batera ekoiztutako antzezlana Baionan (urriaren 8an), Gernikan (11n), Donostian (12an), Getxon (13an), Lauro Ikastolan (Bizkaia -17an-), Durangon (24an) eta Eibarren (25ean) ikusi ahal izango da.
Patxo Telleriak idatzi du Ghero, azken euskalduna-ren gidoia, eta Jokin Oregi da antzezlanaren zuzendaria. Mikel Martinez, Patxo Telleria, Olatz Ganboa, Iñaki Maruri eta Ane Pikaza dira antzezleak.
(Argazkiak: Guillermo Casas)

Irailaren 12an (egun osoa) eta 13an (egun erdia) izanen da, Donostiako Tabakaleran.
Honako helburu hauek ditu iraileko jardunaldiak:
- XXI. mendean Euskaltzaindiaren lana aurrera doa Iker eta Jagon sailetan. Jardunaldi honetan garatu nahi da euskararen estandarizazioa nola bizkor daitekeen, garai hauetan egunerokoa eta ezinbestekoa bihurtu den ingurune digitalaren bitartez.
- Beste hizkuntzetako esperientziak ezagutuz eta Euskaltzaindiarenak ere azalduz, helburua da aurrera egitea euskalgintzarekin batera, euskararen estandarizazio horren formulazioan, ebaluazioan eta zabalkuntza bidean.
Informazio gehiago, HEMEN
Izen-ematea (irailaren 9ra arte): Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko./
944158155/ 943428050/ 948223471/ 0559256426

Mendeurrena: Gramatika jardunaldia: 'Gramatikak XXI. mendean'.
Hizkuntza gertakariak gaurko terminologian eta gaurko kontzeptu linguistikoen bidez kontatzen dituen tresna proposatu du Gramatika batzordeak.
(Garbiñe Ubeda Goikoetxearen kronika)

Gramatika jardunaldiak mentalitate aldaketa nabarmendu du. Miren Azkarate euskaltzain osoaren hitzak baliatuz, “lehen, hizkuntza bat zuzen hitz egin eta idazteko arauen multzoa” zatekeen gramatika; gaur egun, berriz, “hizkuntza jakin baten osagaien (hotsen, formen, joskeren) azterketa eta azalpena” litzateke.
Euskararen Gramatika arauemaile baten proposamena aurkeztu du Pello Salaburu Gramatika batzordeburuak. “Lan irekia” dela adierazi du, eta gaineratu du iritziak eta kritikak batu ondoren Euskaltzaindiak erabaki beharko duela lanarekin zer egin.

Bihar, uztailak 11 dituela, Gramatika jardunaldia izanen da Donostian, Luis Villasante Ikerketa Zentroan (Tolare baserria/Almortza bidea, 6)
Besteak beste, honako helburu hauek ditu Gramatikak XXI. mendean izeneko jardunaldiak:
- XXI. mendeko inguruko gramatikek dituzten ezaugarri nagusiak nabarmentzea.
- Gramatika batzordeak ondu duen Euskararen Gramatikaren testua aurkeztea eta gaurko gramatiken pareko egiten duten ezaugarriak azpimarratzea
- Gainerako Akademiek mende honetan argitaratu dituzten edo argitaratzear dituzten gramatiken eta horien ezaugarrien berri izatea. Hartara, argiago ikusiko da Gramatika batzordeak landutako proposamenaren testuingurua zein den.
- Mota honetako gramatika batek zer dakarkien euskalgintzako sektoreei.
Egitarau osoa, HEMEN: https://labur.eus/4o5NL