Pertsona-izenak

Erdi Aroko euskal izena. Osagaiak Andre aposizioa eta Dauneta izena (cf. Daunet maskulinoa) dira. Donibane Garazin (Nafarroa Beherea) aurkitzen dugu, 1208an.

Erdi Aroko izena, Andrez eta Domekaz osatua. 1212an agertzen da, Etxabakoitzen (Nafarroa). Ikus Andrea eta Domeka.

Erdi Aroko izena, Andrez eta Dotaz osatua (ikus sarrera hauek). Aurrenekoz 1003. urtean aurkitzen dugu, Leireko (Nafarroa) dokumentazioan (Andretota de Murelo).

Erdi Aroko euskal izena, Andrez eta Gailaz osatua. Andregailla 1183an Iruñeko katedraleko artxiboan ageri da eta 1366an Lintzoainen (Nafarroa), besteak beste. Ikus Andrea eta Gaila.

Erdi Aroko euskal izena, Andrez eta Gotoz osatua. Aurreneko aldiz Lizarran (Nafarroa) aurkitu dugu guk, 1024. urtean. Ikus Andrea eta Goto.

Erdi Aroko izena. Andrez eta -kin atzizki hipokoristikoaz osaturik dago; bukaerako -a genero mozioa dateke. Nafarroan 1282an ageri da. Ikus Anderkina.

Erdi Aroko euskal izena. Osagaiak Andre ezaguna eta Leundiaren aldaera irudi duen Lendia dira (ikus izen hau). Iruñean ageri da, XIII. mendean.

Erdi Aroko euskal izena, Andrez eta Lopaz osatua. Ikus Andrea eta Lopa.

Erdi Aroko euskal izena. Osagaiak Andre eta Mantzia dira. Artaxoan (Nafarroa) azaltzen da, XII. mendean (Andre Mancia). Ikus Andre eta Mantzia.

Gutxienez XVI. mende arte erabili izan den euskal izena dugu hau. Osagaiak, agerian denez, Andre eta Maria dira (ikus izen hauek). Lehen aldiz Iruñean aurkitu dugu, 1135. urtean (Andre Tota de Let, Andre María su fija); beranduago Gautzan (Nafarroa) Andre Maria Goycoa ageri zaigu XIV. mendean eta Donezteben (Nafarroa) Andremaria de Agorreta 1541ean. Horretaz gain, Jesusen amaren ohiko izendapena da.

• 125. araua: San, santu, done eta besteren erabilera (2003)