Bildumak

Euskera Euskaltzaindiaren agerkari ofiziala da eta 1920. urtetik argitaratzen da. Buletinak Euskaltzaindiaren lana eta bizitza akademikoa biltzen ditu, eta Ikerketa zenbakiak Akademiaren lan esparruetako ikerketa-artikulu originalak, liburu-aipamenak eta antzekoak jasotzen ditu. Ikerketa-artikuluak argitaratzeko, Idazketa kontseiluak, anonimotasuna bermatuz, kanpo ebaluatzaileen iritzia jasoko du.

Idazle euskaldunen edizio kritikoak, euskara eta beronen literaturaren historia ikertzen laguntzeko oinarrizko agirien bilketa.

Euskaltzaindiko Iker Sailaren lan bereziak argitaratzeko sortua da eta beronen lehen zenbakian Euskalarien Nazioarteko Jardunaldiak(1980) biltzen ditu.

Euskaltzaindiak liburu-sorta berri bat, "Onomasticon Vasconiae" deritzona, irekitzea komeni zela ikusi zuen. Toponimia de la Cuenca de Pamplona. Cendea de Cizur liburuarekin hasi zen.
Liburu-sorta honetan leku-izenen lerrokadak eta ikerketak ematen dira argitara.

Euskaltzaindiak Mendaur bilduma honetan, Nafarroako Gobernuarekin egindako hitzarmenaren ondorioz, kaleratzen ditu jarraiko ikerlanok.

EUSKALTZAINAK izeneko bilduman euskaltzain izan diren eta direnen obrak eta eurei buruzko azterketak argitaratzen dira, Akademiaren historiarako esanguratsu gertatu diren hainbat egileren lanak ere alboratu gabe.

Euskaltzaindiaren Jagon Saileko JAGON bildumak euskararen inguruko hainbat ikerketa eta saiakera hartzen ditu, hizkuntzaren erabilera praktikoa aztertu, eta euskara sustatzeko eta babesteko.

Etxeberri Bilduma (EHS) euskararen historia soziolinguistikoari eskainitako liburu-sorta da; agiriak eta ikerlanak biltzen ditu, idazlan berriak eta lehendik sakabanatuta daudenak.
Erbestetik edo beste hizkuntzetatik argigarri izan daitezkeenak ere gogoan izango ditu.

Euskaltzaindiaren Onomastika lanak euskal izenen ikerketa du helburu, bai antroponimoena (ponte izenak, deiturak...) bai toponimoena (toponimia nagusia, txikia, exonimia, kale izendegiak, etxe izenak...). Izen horiek bildu, sailkatu, ikertu eta arautu ondotik, beharrezkotzat jotzen du Euskaltzaindiak izenen forma zuzenak plazaratzea, euskararen erabileran eta normalizazioan eragina izan dezaten. Hori da, hain zuzen ere, IZENAK bilduma honen xedea.