Plazaberri artxiboa

Plazaberrin harpidetu:

Sare sozialetan:

Twitter

Irailaren 1ean, Mariano Mendigatxaren mendeurrena ospatuko dute Bidankozen

  • Mariano Mendigatxa hil zeneko mendeurrena dela eta, Bidankozeko (Nafarroa) herriak eta Euskaltzaindiak ospakizun bat antolatu dute irailaren 1erako. 
  • Hau da aurreikusitako egitaraua:
    - 12:00-12:30ak aldera, Mariano Mendigatxari buruzko hitzaldia. Hizlaria: Gotzon Pérez Artutx (Bidankozeko semea, Bidankozeri eta Mendigatxari buruz zenbait lan egin ditu -Bidankozeko webgunean ikusi ahal dira- eta aurtengo Euskera aldizkarian argitaratzeko Mendigatxa hizpide izanen duen artikulu luzexka bat prestatzen ari da).
    - Ondotik, herriaren eta Euskaltzaindiaren izenean, oroigarri bat jarriko da Mendigatxa zenaren sortetxean. Han hitz batzuk eginen dituzte Bidankozeko alkateak eta  Andres Urrutia euskaltzainburuak. Azkenik, herri bazkaria izanen da.
  • Mariano Saturnino Mendigatxa Ornat (Bidankoze, Nafarroa, 1832- 1918) nekazaria zen, euskara aberatsekoa, eta Bonaparte printzearen eta Azkueren berriemaile izan zelako egin zen ezaguna. Idatzi zituen gutunak erronkarieraren lekukotzat gorde dira. 

  • 27050102
    (Mariano Saturnino Mendigatxa Ornat)

 

Euskara batuari Ipar Euskal Herritik eginiko ekarpena aztergai, irailean

  • Mendeurreneko lehen jardunaldia Baionako Herriko Etxean izanen da, irailaren 13an: 'Euskara batua eta Ipar Euskal Herria (1964-2018)'.
  • 1964an Baionan egin ziren bilkuren ekarpenak gogoratu eta aztertuko dira, goizetik hasi eta arratsalderaino.
  • Parte-hartzaileak: Jean-Louis Davant, Gexan Alfaro, Janbattit Dirassar, Joseba Intxausti, Itxaro Borda, Peio Jorajuria, Jose Luis Aizpuru, Aines Dufau, Joseba Garai, eta Naroa Gorostiaga.
  • Izen-ematea: irailaren 10era arte (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 0 559 256426/ 943 428050/ 94 4158155).

    baiona

 

Euskaltzaindiaren 2017ko kontuak, gizartearen esku

  • Euskaltzaindiaren 2017ko Oroitidazkia Akademiaren webgunean bertan irakur daiteke, jada.
  • Akademiak 2017an egin zituen lanen berri ematen duen txostena da Oroitidazkia, eta PDF formatuan eskaintzen da.
    oroitidazkia 2017
  • Ohi bezala, 2017ko Oroitidazkiak ondoko atalak ditu: Xabier Kintana Akademiaren idazkariaren sarrera, Erakundearen jarduerak; Akademia jarduera; Erakundearen zerbitzuak; Herri administrazio eta erakundeak; Webgunea eta gizarteratze lana; eta Euskaltzaindiaren balantzea eta galdu-irabazien kontua.