Plazaberri

Euskaltzaindiak agerraldia eginen du, bihar, Nafarroako Parlamentuan

  • Nafarroako Foru Parlamentuak euskarari buruzko foru lege berri bat egiteko Batzorde Berezi bat sortu zuen bere baitan, eta orain helburu horren harira ari da lanean. Behin betiko testuaren proposamena prestatu aitzinetik, euskararen munduko zenbait erakunde eta aditu deitzen ari da Batzorde Berezi horretara, lege berri bati buruzko ikuspegia eta iritziak aurkez ditzaten.
  • Euskaltzaindia ere deitua izan da, eta bere agerraldia bihar izanen da, goizez. Akademiaren izenean Sagrario Aleman diruzaina eta Andres Iñigo Nafarroako ordezkaria agertuko dira.
    andress
    (Andres Iñigo, Euskaltzaindiaren Nafarroako ordezkaria)
    sagrario 19352 11
    (Sagrario Aleman, Euskaltzaindiko diruzaina)
  • Agerraldi honetan azalduko dituzte, besteak beste, Euskaltzaindiaren izaera eta zeregina, Nafarroako Foru Komunitatean urteetan zehar izan duen parte-hartzea eta, beti Akademiaren ikuspuntutik, egin nahi den lege berri horrek bete beharko lituzkeen printzipio edota oinarri nagusiak.

 

Jean-Louis Davant: “Entzun izan ditut batzuk euskara batua kritikatzen, baina oso euskara batu ederrean”

  • Txillardegiren esanetara, Euskara Batuaren oinarriak finkatu zituen lehen lantaldeko kide izan zen Jean-Louis Davant. 1935eko uztailaren 5ean Ürrüstoi-Larrabilen (Zuberoa) sortua, ingeniari agronomo, Enbata mugimenduko kide, irakasle eta idazle zen ordurako.

    Euskara batzeko lehen urratsak 1963ko azarotik hasi eta 1964ko abuztura bitartean eman zenituzten, Baionan. Zein zen giroa garai hartan?
    Iparraldean bederen, ez zen girorik, baina batzuek bazebiltzan beren euskara zabaldu nahian. Mirandek, adibidez, xibereraz idazten zuen, baita lapurteraz ere. Txomin Peillenek, berriz, xibereraz eta gipuzkeraz. Eta agian, gipuzkeraz gehiago xibereraz baino, eleberriak-eta idazten zituenean. Monzonek bere sorterriko euskara erabiltzen zuen, alegia Mendebaldekoa, baina gipuzkera ere menderatzen zuen, eta Lapurdin bizi baitzen, lapurtera ere ezagutzen zuen. Hirurekin bat egin eta bere gisako euskara batua zerabilen olerkian eta antzerkian. Gabriel Arestik ere bere gisako euskara batua eraikitzen zuen, eta gurea baino hobea. Idazle horiek guziak batu baten bila zebiltzan.

    IMG 3063
    (Davant euskaltzain emeritua, 2016 Lekuona saria jasotzeko unean)

 

Baionako Biltzarra, 1964: batasuna, oroz gainetik

  • Euskara Batua ofizialki 1968ko urrian sortu bazen ere, lauzpabost urte lehenago ernaldu zela esan liteke, Arantzazuko Biltzar Nagusian ontzat emandako oinarrietarik asko 1964ko abuztuaren hondarrean finkatu baitziren, Baionan.

    baiona erabakiak

 

Euskararen batasunari Ipar Euskal Herritik egindako ekarpena aztertuko da irailaren 13ko kolokioan

  • Mendeurreneko ekitaldien barruan, estreinako jardunaldi akademikoa egingo da datorren astean Baionako Herriko Etxean. Beste zortzi antolatuko dira 2019ko urria bitarte.
  • Baionako kolokioak helburu bikoitza du, gaur Jean-Baptiste Coyos euskaltzain eta jardunaldiko koordinatzaileak jakinarazi duenez: "60ko hamarkadaren hasieran hainbat bilkura egin ziren Euskara Batuaren oinarriak lantzeko, horietako batzuk Baionan; bilkura horien ekarpen nagusiak azpimarratu nahi genituzke 13ko kolokioan. Eta, aurrera begira, Ipar Euskal Herritik begiratuta, Euskara Batuak dituen erronkak ere identifikatu nahi genituzke".
  • Andres Urrutia euskaltzainburuak aurreratu duenez, erakusketa berezia egingo da abenduan, Baionako Euskal Museoan. Bertan, Ipar Euskal Herriak euskara batuari eginiko ekarpena nabarmendu eta azalduko da.
  • Baionako jardunaldia zuzenean jarrai dezakezu, hemen:

    maxresdefault
    (Itxaro Borda idazleak 13ko kolokioan parte hartuko du)

  • Irailaren 13ko ekitaldi akademikoan izanen dira Jean-Rene Etxegarai; Andres Urrutia; Beñat Arrabit; Txomin Peillen; Jean-Louis Davant; Eneko Irigarai; Gexan Alfaro; Janbattitt Dirassar; Joseba Intxausti; Jean-Baptiste Coyos; Itxaro Borda; Peio Jorajuria; Jose Luis Aizpuru; Aines Dufau; Joseba Garai; Naroa Gorostiaga; Xarles Videgain; eta Sagrario Aleman.
  • Izen-ematea: irailaren 10era arte (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 0 559 256426/ 943 428050/ 94 4158155)
    Sartzea dohainik (aldibereko itzulpena).

    33491251642 e037402f9e b
    (Jean-Louis Davant euskaltzain emerituak 1964ko pasadizoak aletuko ditu Baionako kolokioan)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi