Plazaberri

Joseba Sarrionandia: 'Euskal Herria izango da hurrengo Vietnam'

  • 'Gabriel Arestiren Euskal Harriak 50 urte' jardunaldirako Joseba Sarrionandia idazle eta euskaltzain urgazleak prestatu duen testua eskegitzen dugu hemen: 'Euskal Herria izango da hurrengo Vietnam'.

    bin 22142064 con 11799299 26594 1
    (Joseba Sarrionandia -Argazkia: Jose Goitia-)
  • Hona hemen testuaren hasierako bi paragrafoak:

    "Gaur egun esanda, esaerak ez du esanahi argirik, Vietnam ez da aspaldian albistegietako gaia, Vietnam zertan dagoen eta zelakoa den ere desagertuta dago informazio kultura orokorretik. Baina orain 50 urte esanez gero, esaldi horrek bazuen esanahia, eta larria.
    Esaera Gabriel Arestik idatzia da. Xose Neira Vilas idazle gallegoak hainbat liburu zituen Habanako etxean, Kriseilu editorialekoak. Eta eskuz idatzitako dedikatoria zuten liburu guztiek, gazteleraz:
    “Euskadi será el próximo Vietnam.
    Gabriel Aresti.”

Euskadi izango da... (PDF, 940,6 KB)

 

 

Nafarroako Parlamentuak hartu du ‘Euskara ibiltaria’ erakusketa

  • Euskaltzaindiak 'Euskararen Herri Hizkeren Atlasa (EHHA)' egitasmoa oinarritzat duen erakusketa inauguratu du, gaur, Nafarroako Parlamentuaren egoitzan, Iruñean.
  • Urriaren 31 bitartean egonen da irekita, astean sei egunez. Sarrera, doan.
  • Euskara Ibiltaria erakusketak Euskaltzaindiaren Euskararen Herri Hizkeren Atlasa (EHHA) egitasmoa du oinarri.
  • Adolfo Arejita (EHHA proiektuaren zuzendari nagusia): “Hizkuntza-atlasean oinarrituta dagoen Euskara Ibiltaria erakusketak euskararen batasun eta aniztasunaren erakusgarri izan nahi du”.
  • Ainhoa Aznarez (Nafarroako Parlamentuko lehendakaria): “Erakusketa honek gure historiaren zati bat eskaintzen die gure hiritarrei, altxor izugarria, estreinakoz aurkezten dena Foru Erkidegoan, eta ohore bat da nafar guztien etxea den leku honetan egitasmo hau hartzea”.
  • Julio Gallastegi (Laboral Kutxako zuzendari nagusia): "Nabaria da 'Euskara Ibiltaria' bezalako proiektu handiak hamaika borondate desberdinen inplikazioa elkartuz soilik aurrera atera daitezkeela. Beraz, proiektu honetan lagundu eta parte hartzen duten guztiei beraien lana eskertu nahi nieke".

    22222049 1156477324486644 1748238903761487028 n
    (Erakunde pribatu eta publikoetako arduradunak, komunikabideetako ordezkariak eta euskaltzainak, gaur, Iruñean)

 

Jasone Osoro: "EIEren eta idazleen presentzia gizarteratzen ahalegindu gara azken lau urteotan"

  • Euskal Idazleen Elkarteak hitzaldi bat antolatu du Euskaltzaindiaren Bilboko egoitzan, gaur, 19:00etan, bere 35. urtemuga ospatzeko.
  • Akademia izan zen EIEren bultzatzaile nagusia (Juan San Martin Jagon sailburua, hain zuzen), eta ekitaldia baino lehen sarrera-hitzak Andres Urrutia euskaltzainburuak eta EIEko lehendakari Jasone Osorok emanen dituzte.
  • 1982ko akta batek jasotzen duen legez, honela utzi zuen idatzita Juan San Martin euskaltzainak, EIE sorrera-araudiaren sarreran: "Beste gabe, euskal idazleok ere, gogoan har: txikiak handia bentzi ledi, asmoz eta jakitez. Beraz, aurrera begira, Ekin eta Jarrai".
  • Osoro eta Urrutiaren hitzen ostean, Jule Goikoetxea eta Juan Kruz Igerabide idazleek '...Eta hogei urte barru? Orduan ere umorez' berbaldia eskainiko dute.

    jasone23
    (Jasone Osoro EIEko lehendakaria -Argazkia: Lander Garro-)

 

Azaroan ‘Pirinioetako hizkuntzak’ erakusketa antolatuko dute Baionako Euskal Museoak eta Euskaltzaindiak

  • 2017rako lan ildoak zehazten dituen akordioa sinatu dute, gaur, Baionako Euskal Museoak eta Euskaltzaindiak. Jean-Claude Larronde Euskal Museoko lehendakariak eta Andres Urrutia euskaltzainburuak izenpetu dute dokumentu berria.
  • “Garrantzitsua da urtero-urtero ematen dugun pauso hau, Euskal Museoak duen helburu nagusia gurea ere badelako, hots, euskal kulturaren garapena eta hedadura sostengatzea”, esan du Andres Urrutia euskaltzainburuak, Baionan.
  • Yves Ugalde Baionako auzapezordeak ere akordioaren garrantzia azpimarratu du: "Euskararen presentzia areagotuko da hirian, eta Herriko Etxearekin Akademiak aurten sinatu duen osagarri paregabea da lan-hitzarmen berri hau".

    IMG 20171002 104017 409
    (Yves Ugalde, Jean-Claude Larronde, Andres Urrutia eta Xarles Videgain, gaurko agerpenean)

 

Plazaberrin harpidetu:

Sare sozialetan:

Twitter

 

 

Gure agendan harpidetu:

Azken argitalpenak

Argitalpen guztiak ikusi