Plazaberri

Otsailean 80.968 bisita izan ditu Euskaltzaindiaren atari digitalak

  • Euskaltzaindiaren atari digitalak (www.euskaltzaindia.eus) 80.968 bisita jaso ditu otsailean (2017an baino 811 gehiago), eta bistaratzeak, guztira, 368.912 izan dira.
  • Azken bi urteetako joerari jarraituz, 2018ko hasiera honetan ere Euskaltzaindiaren Hiztegia izan da gehien kontsultatu den edukia: 140.572 bistaratze izan ditu; ondotik, Euskal Onomastikaren Datutegia (74.367) eta Orotariko Euskal Hiztegia (57.068).
    Pantaila argazkia

 

Miriam Urkia: “Aurten ikusiko dugu Euskaltzaindia aurrera doala, eta bide onetik”

  • ‘Istripuz’ jaio zen Donostian, baina bera aretxabaletarra da, gorputz eta arimaz. Kazetari izan nahi zuen baina Filologia hautatu eta hizkuntzalari bihurtu da, lanaren eta urteen poderioz. Euskaltzain urgazle izendatu zuten 2003an eta euskaltzain oso pasa den otsailaren 23an, Roberto González de Viñasprerekin batera. Euskaltzaindian 1992tik sartzen den seigarren emakumea da. Miren Azkarate izan zen lehena.
  • Miriam Urkiak (Aretxabaleta, 1965) ondo ezagutzen du Akademia, Hiztegi Batuko lantaldeko kide baita 1992tik, Euskaltzaindiaren Hiztegiaren arduraduna, 2013tik, eta Akademiaren Gipuzkoako ordezkaria 2017tik. UZEIko Lexikografia Saileko zuzendaria ere bada, 1992tik.

    DSC00563
    (Miriam Urkia eta Joan Mari Torrealdai euskaltzain emeritua, Sagrario Alemanekin hizketan)

 

Indautxuko Eskolako mendeurrenean parte hartuko du Euskaltzaindiak

  • Indautxuko Eskolak ehun urte bete ditu aurtengo ikasturtean, eta iazko urritik ari dira ospatzen data esanguratsua. Biharko iragarri dituzte mendeurrenaren ekintza nagusiak, 11:00etan hasiko direnak, eta bertan izanen da Euskaltzaindia, euskararen Akademiak lotura historikoak baititu ikastetxe honekin. 1919an, Indautxuko Eskoletan euskara ikastaroak emateko baimena eskatu zion Euskaltzaindiak Bilboko Udalari. Baita eman ere. Gainera, 1933an Luis Eleizalde euskaltzainaren izena jarri zioten eskolari, eta 1937a bitarte iraun zuen horrela.

    promoción 1967
    (1967ko ikasturtean ateratako argazkia)

  • Gaurko ekitaldian parte hartuko dute, besteak beste, Iñigo Urkullu lehendakariak, Juan Mari Aburto Bilboko alkateak eta Andres Urrutia euskaltzainburuak. Ekitaldiaren baitan, ikastetxeko arduradunek oroitzapenezko plaka jarri eta mendeurreneko liburua aurkeztuko dute.

 

Bilboko Udalak agindu du euskarak dagokion tokia izango duela 2018an hirian antolatuko diren kirol ekintza nagusietan

  • Maiatzean Europako errugbiko Challenge eta Champions Cup finalak jokatuko dira Bilbon, eta Euskaltzaindiari garrantzitsua iruditzen zaio ekitaldi hauen garapenean zein beraien sustapenerako egiten diren ekimenetan euskarari toki duina eta nabarmena ematea; gutxienez, gainerako hizkuntzen parekoa.

    IMG 3455
    (2017ko hitzarmena ekainean sinatu zuten Bilboko Udalak eta Euskaltzaindiak)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4
    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

  •  

  • Argitalpen guztiak ikusi