Plazaberri

Euskaltzaindiak eta Sabino Arana Fundazioak euskararen erabileraren gakoez hausnartzeko mintegia antolatu dute

  • Ostegun honetan izango da, uztailak 12 dituela, Sabino Arana Fundazioaren egoitzan, Bilbon, goizeko 9etatik 13:30era.
  • Bingen Zupiria Eusko Jaurlaritzako Kultura eta Hizkuntza Politikako sailburuak; Andres Urrutia euskaltzainburuak; eta Juan Mª Atutxa Sabino Arana Fundazioko lehendakariak emango diote hasiera jardunaldiari.
  • Parte hartuko dute Jon Aizpuruak, Garbiñe Beraziartuak, Beñat Muguruzak, Joxerra Gartziak,  Miren Dobaranek, Mikel Arregik eta Joseba Erremundeguy-k.
  • Izen-ematea: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.  944 158 155

    Euskarak tokia hartu ahal izateko hizkuntza politikaz izeneko mintegiari
    (2017an, “Euskarak tokia hartu ahal izateko hizkuntza politikaz” izeneko mintegia antolatu zen)

 

Mendeurreneko lau egitasmo esanguratsu babestuko ditu Laboral Kutxak

  • Gaur izenpetutako lankidetza hitzarmenaren bidez, 2018an eta 2019an egingo diren ekintza eta egitasmo hauek babestuko ditu Laboral Kutxak: Euskaltzaindiak urrian egingo duen 'Arantzazutik mundu zabalera (1968-2018)' biltzarra; Euskararen Herri Hizkeren Atlasaren ondarea gizarteratzeko eratutako 'Euskara ibiltaria' erakusketa berria; dialektologiari buruzko Nazioarteko Biltzarra, eta Euskararen Herri Hizkeren Atlasaren 10. liburukia.
  • Andres Urrutia (euskaltzainburua): "Mendeurrenean erakutsi nahi dugu euskal gizarte eragileekin batera egiten dugula lan, gure helburuak partekatzen dituzten erakunde zein elkarte desberdinekin. Horietako bat da Laboral Kutxa, betidanik egon dena gure proiektuak babesten eta laguntzen”.
  • Julio Gallastegi (Laboral Kutxako zuzendari nagusia): "Laboral Kutxa euskal gizartearen garapen osoarekin konprometituriko entitatea dugu eta gure helburuen artean daude euskal kultura sustatzea eta euskara biziberritzea".

    DSC01410
    (Andres Urrutia euskaltzainburua eta Julio Gallastegi Laboral Kutxako zuzendari nagusia)

 

Besteak beste, 2017ko hilberri-txostenak jasotzen ditu Euskera agerkariaren 2017,1 zenbakiak

  • Gogoratu behar da lehenengo zenbaki honek erakundearen bizitza akademikoa jasotzen duela eta soilik modu digitalean argitaratzen dela (irakurri nahi izanez gero, klikatu hemen).
  • Hurrengo hilabeteetan agerkariaren bigarren zenbakia Euskera 2017,2 argitaratuko da, ikerketaren alorra lantzen duena. Kasu honetan on-line eta paperean kaleratuko da.

    20170224132704 marijane minaberri foto610x342
    (Xipri Arbelbidek Marijane Minaberri ohorezko euskaltzain zenaren bizitza eta lanak ekarri ditu gogora Euskera 2017,1 zenbakian)

 

'Piarres Larzabalen antzerkigintza: 1950-1982', euskarri digitalean

  • Euskaltzaindiak iaz argitaratu zuen Iker bildumako 33. zenbakia ('Piarres Larzabalen antzerkigintza: 1950-1982. Euskarazko antzerki identitatioaren paradigmak'), eta jada gure webgunean irakur daiteke, osorik.
  • Piarres Larzabal euskaltzain oso izan zenaren antzerki-lana aztertzen du liburu honetan Isabelle Echeverriak. Azkaindarraren antzerkigintza sakonetik aztertzeaz gain, argitaratu gabeko bi antzerki lan eskaintzen ditu liburuak. Jakina denez, Larzabalena antzerki identitarioa izan zen: herritik sortua, herritarrek egina, herritarren gozamenerako.
  • 2016an zendu zen Piarres Charritton euskaltzain emerituak aspaldi eginiko bilketa lana osatzen du ikerlan honek.
  • Isabelle Echeverriaren 'Piarres Larzabalen antzerkigintza' irakurri edo osorik jaisteko, klikatu hemen.
  • Isabel Echeverriari 2017an Plazaberrin egin zitzaion elkarrizketa irakurri nahi izanez gero, klikatu hemen: "Beste edozein herritako antzerkiaren pare jarri da euskal antzerkia".
  • Liburua erosteko, klikatu hemen.

    larzabal liburua kxjD U213544493102P5 490x578El Correo

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi