Plazaberri

Hizkuntza Politika Euskal Herrian: hitzetik ekintzara pasatzeko garaia

  • Hermes aldizkariaren 57. zenbakiak 'Euskarak tokia hartu ahal izateko hizkuntza politikaz' mintegiaren ondorioak biltzen ditu, edizio zaindu eta mamitsuan.
  • Ekainaren 14an egin zen mintegia, Sabino Arana Fundazioak eta Euskaltzaindiak antolatuta.
  • Zenbaki berri honen kolaboratzaileen artean daude, besteak beste, Bingen Zupiria, Beñat Arrabit, Mathieu Bergé, Jasone Agirre, Idoia Mendia, Laura Garrido, Mertxe Mujika, Jon Sarasua, Erramun Osa, Ana Ollo, Ana Esther Furundarena, Iñaki Arruti, Iñaki Alegria, Kike Amonarriz eta Andres Urrutia euskaltzainburua.
  • Irudiak eta ilustrazioak Zaloa Ipiña artistak egin ditu.

    DSC 0005
    (Hermes aldizkariaren 57. zenbakiaren aurkezpen ekitaldia)

 

Joxe Mari Iriondo ohorezko euskaltzaina omenduko du Noticias Taldeak

  • Ortzadar Saria emango diote, bihar, Euskadiko Artxibo Historikoan -Bilbo-, 19:30ean, "kultur sorkuntzan eta euskararen zabalkundean" egin dituen ahaleginengatik. Noticias Taldeko arduradunek azpimarratu dute "Iriondo beti izan dela komunikatzaile konprometitua", eta gogoratu dute Urrestillako kazetariak euskal komunikabideen hastapenetan eginiko ahalegin eskerga, batez ere "euskararen giza-pertzepzio positiboa berreskuratzen" eginiko esfortzua.
  • Iriondok Radio Popular de Loyola eta Radio San Sebastián-en hasi zuen bere ibilbidea. 70. hamarkadan Ez dok amairu taldeko bultzatzaileetako bat izan zen. Ondoren etorri ziren TVE eta EiTBko garaiak, bertsolari txapelketak -horietako askoren antolakuntzan lagundu zuen-, itzulpenak, bertso-paperak eta bestelakoak -tartean, nobela saritu bat, Noiz, amatxo?-. Edozenbat ahalegin, beti helburu berarekin: euskara eta euskal kultura aitzinatu.

    iriondo unanue jose mari menusize
    (Jose Mari Iriondo kazetari, ikertzaile eta ohorezko euskaltzaina).

 

Akordeoiari eta euskal soinulariei eskaini die Bernardo Atxagak Erlea aldizkariaren hamaikagarrena

  • Aldizkariaren zenbaki berriak Euskal Herriari hain lotuta dagoen musika-tresnari erreparatu dio, gurean izan duen bilakaera aztertuz, akordeoilari ezagunen eta ez hain ezagunen testigantzak baliatuz.
  • Andres Urrutia (euskaltzainburua): “Aurreratzen dizuet hamabigarren Erlea ere izango dela. Datorren urtean argitaratuko dugu, mendeurrenarekin batera”.
  • Mikel Irizar (Gipuzkoako Aldundiko Hizkuntza Berdintasunerako zuzendaria): “Etxekoa dugu Euskaltzaindia sorreratik eta lankidetzan ari gara, baita Akademiaren mendeurrenari begira ere”.
  • Bernardo Atxaga (euskaltzaina eta Erlea-ren zuzendaria): “Zenbat akordeoi-jole izan dugun Euskal Herrian barrena, gure herrietan baino ez direnak izan ezagunak. Horiei eskaini nahi izan diegu hamaikagarren ahalegin hau”.
  • Aldizkaria erosteko: sakatu hemen.

    image1 3
    (Joxan Goikoetxea, Mikel Irizar, Bernardo Atxaga eta Andres Urrutia, gaurko agerpenean)

 

UEUk eta Euskaltzaindiak bost urterako lankidetza hitzarmena sinatu dute

  • Euskararen eta euskal kulturaren sorkuntzarako, sustapenerako, garapenerako eta zabalkunderako proposatzen diren egitasmoen inguruan gauzatuko da lankidetza.
  • Andres Urrutia (euskaltzainburua): “Aurrerantzean UEUren barruan ontzen eta mamitzen den produkzio linguistikoa eta zientifikoa eskura izango du Euskaltzaindiak bere corpus linguistikoetan, bere ikerketa lanetan erabili ahal izateko eta berriro gizarteratu ahal izateko”.
  • Iñaki Alegria (UEUko zuzendaria): “UEUrentzat oso garrantzitsua da hitzarmen hau, bestelako unibertsitateekin eta gobernuekin dauzkagun hitzarmenez gain, euskalgintzako eragileekin ere ari garelako hitzarmenak sinatzen, eta, zentzu horretan, Euskaltzaindia erreferentea da guretzat”.

    EuskaltzaindiaUEU
    (Andres Urrutia euskaltzainburua eta Iñaki Alegria UEUko zuzendaria, gaur, gure Bilboko egoitzan)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Sierra de Tolono portada

    Sierra de Toloño, nexo de la Montaña y la Rioja Alavesa

    Egilea: José Ángel Chasco Oyón

  • Piarres Larzabalen antzerkigintza: 1950-1982. Euskarazko antzerki identitarioaren paradigmak

    Egilea: Isabelle Echeverria

  • Amiküze eskualdeko eskuara

    Egilea: Iñaki Camino

  • Euskararen Herri Hizkeren Atlasa, VIII

    Egilea: Euskaltzaindia. Dialektologia batzordea. Atlasgintza lantaldea

  • Argitalpen guztiak ikusi