Plazaberri

Joxe Mari Iriondo: "Larre eta Hernandorena bertsozale amorratuak eta ekintzaile apartak izan ziren"

  • Astegoien honetan, kulturgile biak omenduko dituzte Urepelen, Xalbadorren Egunean
  • Kepa Junkera, bertsolariak, hitzaldi bat eta Salbatzaile dantza taldearen saioa iragarri dira 22 eta 23rako


    p026 f01

    (Mariano Izeta, Hernandorena eta Larre, 1992an, Bertsolari Egunean omendu zituztenean. BIDEGILEAK)

 

Euskaltzaindiak Iruñeko kaleen izendegiaren euskarazko bertsioa aztertuko du

  • Lehendabiziz egiten da, hiriko kale guztiak hartuko ditu eta 12.000 euroko aurrekontua baliatu du Udalak zeregin horretarako. Datorren urteko ekainerako amaitzea aurreikusten da
  • Iruñeko Udalak Euskaltzaindiari emango dio enkargua kontuan hartuz 1986ko abenduaren 15eko Euskararen Foru Legeak dioena: Foru Erkidegoan aplikatzekoak diren "hizkuntza arauak ezartzeko, Euskaltzaindia izanen da erakunde aholku-emaile ofiziala"

Plaza-del-castillo

 

Gidor Bilbaok euskarak Islandian utzitako aztarnei buruz hitz egingo du, bihar, Euskaltzaindiaren Bilboko egoitzan

  • Honela, Plaza Barriko egoitzak bost hitzaldi hartuko ditu ondorengo egunetan: bihar, ostegunean, ostiralean, 25ean eta 27an
  • Ostegun honetan, Felix Muguruzaren txanda izango da, 'Etxetik kanpokoek leku-izenetan ezkutatu zizkiguten altxorrak' berbaldiarekin; ostiralean, berriz, Mikel Gorrotxategik bestelako kontu bat aztertuko du jendaurrean: 'Barne emigrazioa mendebaldera, deituretan'
  • Printzipioz, Bizkaiko kultur ondarea zabaltzeko asmoz antolatzen dira Ondarearen Europako Jardunaldiak


    19260161245 bd16ef1eed

    (Gidor Bilbao, euskaltzain urgazlea)

 

Letra larrien erabilerari buruzko ohar osagarri bat erantsi da 178. arauan

  • Euskaltzaindiaren Osoko bilkurak, Exonomastika batzordeak proposatuta, hau erabaki zuen irailaren 30ean, Iruñean egindako bileran: 178. arauan (Kanpoko leku-izenei dagozkien herritar-izenak eta jatorri-adjektiboak sortzeko irizpideak. Euskaltzaindiaren gomendioa) letra larrien erabilerari buruzko ohar osagarri bat sartzea.

    Hona hemen letra larrien erabilerari buruzko oharra:

    Herritar-izenak izen arruntak dira, eta jatorri-adjektiboak adjektibo arruntak dira. Beraz, batzuk zein besteak letra xehez hasita idaztekoak dira. Adibidez: Etorri dira mauletarrak. Non daude belgikarrak? Zoragarria da italiar arkitektura. Jatexe txinatarrean afaldu zuten.

    Dena dela, baldin eta jatorri-adjektiboa pertsona baten izengoitia bada, letra larriz hasita idazten da, gainerako izengoitiak bezala (Erik Gorria). Adibidez: Eszipion Afrikarra, Joan Damaskoarra, Basilio Mazedoniarra, Judas Galilearra.

    Era berean, jatorri-adjektiboa leku-izen baten parte bada, letra larriz hasita idazten da, gainerako adjektiboetan gertatzen den bezala (Ibai Horia). Adibidez; Kongo Belgikarra, Ekialdeko Afrika Britainiarra, Sudan Anglo-egiptoarra, Anglo-normandiar uharteak.


    Exonomastika batzordea

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Sierra de Tolono portada

    Sierra de Toloño, nexo de la Montaña y la Rioja Alavesa

    Egilea: José Ángel Chasco Oyón

  • Piarres Larzabalen antzerkigintza: 1950-1982. Euskarazko antzerki identitarioaren paradigmak

    Egilea: Isabelle Echeverria

  • Amiküze eskualdeko eskuara

    Egilea: Iñaki Camino

  • Euskararen Herri Hizkeren Atlasa, VIII

    Egilea: Euskaltzaindia. Dialektologia batzordea. Atlasgintza lantaldea

  • Argitalpen guztiak ikusi