Plazaberri

Euskaltzaindiaren 2017ko kontuak, gizartearen esku

  • Euskaltzaindiaren 2017ko Oroitidazkia Akademiaren webgunean bertan irakur daiteke, jada.
  • Akademiak 2017an egin zituen lanen berri ematen duen txostena da Oroitidazkia, eta PDF formatuan eskaintzen da.
    oroitidazkia 2017
  • Ohi bezala, 2017ko Oroitidazkiak ondoko atalak ditu: Xabier Kintana Akademiaren idazkariaren sarrera, Erakundearen jarduerak; Akademia jarduera; Erakundearen zerbitzuak; Herri administrazio eta erakundeak; Webgunea eta gizarteratze lana; eta Euskaltzaindiaren balantzea eta galdu-irabazien kontua.

 

Euskaltzaindiak hamabi euskaltzain urgazle berri izendatu ditu

  • Hauek dira euskaltzain urgazle berriak: Andres Alberdi Gorostiaga, Irene Arrarats Lizeaga, Xabier Peritz Mendizabal 'Euzkitze', Josu Pikabea Torrano eta Luis Mari Zaldua Etxabe gipuzkoarrak; Jon Aizpurua Espin, Ainhoa Arregi Saratxo, Asier Bidart Meabe, Agurtzane Elordui Urkiza eta Gotzon Lobera Revilla bizkaitarrak; eta Ipar Euskal Herriko Céline Mounole Hiriart eta Allande Socarros Estekondo.

 

Hogeita bat erakundek osatuko dute Euskaltzaindiaren Mendeurreneko Ohorezko Patronatua

  • Gaur egin da Ohorezko Patronatua eratzeko ekitaldi nagusia, Bizkaiko Foru Aldundiaren Bilboko egoitzan. Guztira, hogeita bat erakundek osatuko dute Mendeurreneko Patronatua; tartean, Ipar eta Hego Euskal Herriko erakunde garrantzitsuenak daude.
  • Euskaltzaindia sortzeko prozesua 1918ko urtarrilean jarri zen abian, Ramón de la Sotaren taldeko Koxme Elgezabal eta Felix Landaburu Bizkaiko Aldundiaren ahaldun abertzaleek proposamena aurkeztu zutenean Aldundiaren Osoko bilkuran. Proposamen hori 1918ko urtarrilaren 25ean eginiko bilkuran onartu zen, eta data esanguratsu horren gomutan egin da gaurko ekitaldia.
  • Andres Urrutia (euskaltzainburua): “Gaur berresten dugu duela ehun urte lau Foru Aldundiek euskal gizarte zibilaren izenean eman ziguten zeregina, eta harago eramaten dugu konpromisoa, ordurik hona Euskal Herrian izan diren errealitate berriei aitortza eginez eta euskal gizarteko eragileei gure elkarlana eskainiz, euskara eta euskal kulturaren mesedetan”.
  • Euskaltzaindiak Mendeurrena ospatuko du 2018ko irailetik 2019ko urrira bitartean. Jardun instituzionalen artean, bi ekitaldi nagusi finkatu dira. Batetik, gaurkoa; bestetik, eta Mendeurrenari amaiera emanez, 2019ko urrian egingo dena, Gipuzkoako Foru Aldundian.

    familia argazkia
    (Ohorezko Patronatua osatzen duten erkundeen ordezkariak, gaur, Bizkaiko Foru Jauregian)

 

Noticias Taldeak Mendeurreneko ekitaldiak babestuko ditu

  • Gaur izenpetutako lankidetza hitzarmenaren bidez, 2018an eta 2019an egingo diren ekintza eta egitasmoak babestuko ditu Noticias Taldeak.
  • Ondoko eremuak aurreikusi dira: Euskaltzaindiaren Mendeurrenaren barruan Akademiak antolaturiko ekitaldi instituzionalen, nazioarteko jardunaldi akademikoen, ekintza artistiko-kulturalen eta bestelako ekintzen zabalkundea eta publizitatea egingo du Noticias Taldeak; eta Mendeurrenaren baitan Euskaltzaindiak ekoitziko duen komikiaren zabalkundea ere egingo du.

    noticias3
    (Juanjo Baños eta Iñaki Alzaga Noticias Taldeko ordezkariak, Andres Urrutia euskaltzainburuarekin, gaurko ekitaldian)

  • Bere aldetik, Akademiak Noticias Taldeko hedabide bakoitzaren ikurrak ipiniko ditu lurralde bakoitzean egiten diren nazioarteko jardunaldi akademikoak, ekintza artistiko-kulturalak eta bestelako ekintza iragartzeko egingo diren euskarrietan, bi aldeek adosten duten eran.
  • Andres Urrutia (euskaltzainburua): "Mendeurrena ospatuko dugu 2018an eta 2019an, lehengoak gogoratuz, etorkizunekoak asmatuz; eta azken kontu hau askozaz garrantzitsuagoa da guretzat. Hori egiteko egitarau zabala eta asmo sendoak ditugu, eta egitarau zabal hori agertu eta gizarteratzeko ezinbesteko tresna dira euskal komunikabideak. Honako hitzarmen hau ere horretarako da, elkarlanaren oinarriak eta helburuak agiri batean jartzeko. Orain, guztiok lanera!".
  • Iñaki Alzaga (Noticias Taldeko presidentea): "Noticias Taldearentzat oso garrantzitsua da akordio hau, Euskaltzaindiari bere Mendeurrenean laguntzea inportantea baita guretzat. Gainera, uste dugu akordio hau baliagarria izango dela gure kultura eta gure izaera indartzeko".
  • Mendeurrenaren atarian, euskal lurralde guztietako hedabideekin lankidetza hitzarmenak izenpetzen ari da Euskaltzaindia. Akordio hauen helburua garbia da: ahalik eta hedadurarik zabalena eman Mendeurreneko ekitaldi eta egitasmoei.

    noticias2
    (Andres Urrutia euskaltzainburua eta Iñaki Alzaga Noticias Taldeko presidentea)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4

    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Euskararen Herri Hizkeren Atlasa - IX. liburukia'

    Arduradunak: Adolfo Arejita/ Xarles Videgain

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

    Argitalpen guztiak ikusi